Hinn stórskemmtilegi Mercedes-Benz G-Class jeppi var prófaður í afar krefjandi torfærubrautum í Graz í Austurríki á dögunum.  Þarna voru líka þrautabrautir á jafnsléttu þar sem ekið var hratt og á sleipu yfirborði. Sama hvernig tekið var á Gelandewagen, eins og hann heitir á frummálinu, í ýmsum mismunandi þrautum þá sýndi jeppinn hversu gríðarlega öflugur hann er.