Viðskiptaþing Viðskiparáðs Íslands fór fram í síðustu viku en yfirskrift þingsins var „Forskot til framtíðar.“
Áslaug Arna Sigurbjörnsdóttir, þingmaður Sjálfstæðisflokksins og formannsframbjóðandi, fer yfir stóru málin með Andra Þór Guðmundssyni, forstjóra Ölgerðarinnar og formanni Viðskiptaráðs.
Ljósmynd: Haraldur G. Thors
Deila
Viðskiptaþing Viðskiparáðs Íslands fór fram í Borgarleikhúsinu í síðustu viku. Yfirskrift þingsins í ár var „Forskot til framtíðar.“ Sjónum var beint að því hvernig Ísland getur byggt á þeim framförum sem Ísland hefur skapað sér þrátt fyrir áföll síðastliðinna ára. Horft var til framtíðar og teiknuð upp metnaðarfull framtíðarsýn um hvernig Ísland geti skapað sér ný forskot og undirbyggt þannig stórfellda lífskjarasókn á komandi árum.
Fyrirlesarar þingsins komu af sviðum fræðimennsku, opinbera geirans og einkageirans. Auk Andra Þórs Guðmundssonar, formanns Viðskiptaráðs, héldu Johann Norberg, rithöfundur og fræðimaður hjá Cato Institute, Ásdís Kristjánsdóttir, bæjarstjóri Kópavogs, Róbert Wessman, stofnandi, forstjóri og stjórnarformaður Alvotech, og Kristrún Frostadóttir forsætisráðherra erindi á þinginu.
Finnur Oddsson, forstjóri Haga, og Helgi S. Gunnarsson, fyrrverandi forstjóri Heima, sem þó hét Reginn meðan hann hélt um stjórntaumana, ræddu málefni líðandi stunda.
Fagnaðarfundir urðu er Lilja Björk Einarsdóttir, bankastjóri Landsbankans og Björn Brynjúlfur Björnsson, framkvæmdastjóri Viðskiptaráðs, hittust fyrir fund.
Snædís Ögn Flosadóttir, forstöðumaður sölu og þjónustu fagfjárfesta hjá Arion banka, ásamt Sjálfstæðiskonunum Rósu Guðbjartsdóttur, sem nýverið settist á þing fyrir hönd flokksins, og Hildi Björnsdóttur, oddvita flokksins í Reykjavíkurborg.
Guðný Helga Herbertsdóttir, forstjóri VÍS, og Brynja Baldursdóttir, forstjóri Greiðslumiðlunar Íslands, biðu spenntar eftir því að dagskrá Viðskiptaþings færi af stað.
Ásdís Kristjánsdóttir, bæjarstjóri Kópavogsbæjar, var ein þeirra sem hélt erindi á Viðskiptaþingi. Þar kom hún m.a. inn á að til að skapa forskot þurfi hið opinbera að hafa tækifæri til að vera rekið með skynsömum og hagkvæmum hætti.
Tómas Brynjólfsson, varaseðlabankastjóri fjármálastöðugleika, og Birgir Ármannsson, fyrrverandi þingmaður Sjálfstæðisflokksins, voru sessunautar á þinginu.
