Halla Tómasdóttir forseti Íslands var með opnunarerindi á Sýnileikadegi FKA sem fór fram í Arion banka.
Þá var einnig tekið á móti félagskonum FKA af Iðu Brá Benediktsdóttur aðstoðarbankastjóra, Júlí Heiðari og Guðbjörgu Heiðu Guðmundsdóttur, forstjóra Varðar.
Yfirskrift dagsins var ,,Að varða sína leið" og erindin fjölbreytt og fræðandi. Guðbjörg Heiða Guðmundsdóttir, forstjóri Varðar, hélt einnig erindi og fram eftir degi komu fleiri fram.
Hátt í þrjú hundruð konur vörðu deginum með FKA og fjölmargar félagskonur af landinu öllu voru á streymi en dagurinn hefur verið haldinn í Arion banka fimm ár í röð og er orðinn fastur liður í símenntun hjá félagskonum.
Ný heimasíða FKA var einnig frumsýnd sem Tækniráð FKA hefur unnið að með KAKTUS og konum gafst kostur á að láta mynda sig og fá Portrett-mynd á svæðinu hjá Gunu Mežule ljósmyndara.
