Patrik Snær Atlason, sem kemur fram undir listamannsnafninu Patri!k, hefur skotist hratt upp á stjörnuhimininn hérlendis eftir að hafa gefið út smellinn Prettyboitjokko í mars á þessu ári. Í nægu hefur verið að snúast hjá Patrik á árinu. Rúmum mánuði eftir að hafa gefið út sitt fyrsta lag gaf hann út smáskífu. Auk þess hefur mikið verið að gera hjá tónlistarmanninum við að koma fram á hinum ýmsu viðburðum. Nú hefur hann lagt lokahönd á jólalag sem gefið verður út á föstudaginn.