Adidas ætlar að halda áfram að selja skó sem byggja á hönnun Yeezy, nema undir öðru nafni. Þetta kemur fram í grein hjá Wall Street Journal.
Harm Ohlmeyer, fjármálastjóri félagsins, sagði í tilkynningu að Adidas væri einn eigandi allra réttinda að skónum nema að nafninu Yeezy.
Yeezy skórnir hafa verið með allra vinsælustu vörum Adidas á undanförnum árum, en fyrirtækið hannaði skónna í samstarfi við Kanye West. Nýlega sleit Adidas samstarfinu við West vegna andgyðinglegra ummæla hans.
Samstarfið á milli Kanye og Adidas, sem hófst í lok árs 2013, hafði verið stirt í nokkurn tíma fyrir sambandsslitin. Kanye sakaði meðal annars þýska fatarisann um að standa ekki við samninga um að opna sérverslanir í kringum Yeezy skóna og að Adidas hefði stolið hönnun af sér.
