Við eigum það flest til að vera mjög vanaföst og er líkamsrækt engin undnantekning á því.
Eftir vinnu ætlar á næstu vikum að gefa lesendum hugmyndir af æfingum sem þeir geta nýtt sér sem innblástur fyrir sínar æfingar og til að auka vonandi fjölbreytni þeirra í ræktinni.
Fyrsti líkamshlutinn sem við ætlum að taka fyrir er miðjan okkar (core). Sterk miðja skilar bættri líkamsstöðu, líkamsbeitingu í öllum öðrum æfingum og líkamsbeitingu við daglegar athafnir.
Bird Dog
- Komdu þér fyrir á fjórum fótum með axlir beint fyrir ofan úlnliði og mjaðmir beint fyrir ofan hné.
- Lyftu svo upp hægri hendi og vinstri fæti samtímis þannig að þú myndir beina línu með líkamanum frá hæl og fram í fingur.
- Slakaðu svo hendinni og fætinum aftur niður í upphafsstöðu og endurtaktu með vinstri hendi og hægri fæti.
- Gott er að ímynda sér að þú sért að draga naflann upp í loft til að halda kviðspennu í gegnum alla æfinguna.
Myndband af æfingunni má finna hér.
Deadbug
- Komdu þér fyrir í liggjandi stöðu með hnén í 90 gráðum beint fyrir ofan mjaðmir og hendur beint fyrir ofan axlir.
- Láttu svo hægri hendi og vinstri fót síga niður í átt að gólfi án þess að missa mjóbakið frá gólfinu.
- Lyftu hendinni og fætinum aftur upp í byrjunarstöðu og endurtaktu með vinstri hendi og hægri fæti.
- Gott er að ímynda sér að þú sert að draga naflann í átt að gólfinu til að halda kviðspennu og mjóbakinu í gólfinu. Styttu hreyfinguna ef þú missir mjóbakið frá gólfinu.
Myndband af æfingunni má finna hér.
Planki
- Komdu þér fyrir á gólfinu með tærnar undir þig og lófa beint undir öxlum.
- Spenntu kvið, rass og læri þannig að líkaminn myndi nánast beina línu.
- Passaðu að mjaðmirnar falli ekki í átt að gólfi né lyftist mikið upp.
Myndband af æfingunni má finna hér.
Suitcase Carry
- Labbaðu með þungt lóð í annarri hendinni.
- Reyndu að halda þér eins stöðugum og þú getur þannig að lóðið togi þig ekki niður. Þú stjórnar lóðinu en ekki lóðið þér.
Myndband af æfingunni má finna hér.
