Sumarhúsið Kiðjaberg Lake House hefur verið selt á 695 milljónir króna. Fasteignasalan Croisette - Knight Frank sá um söluna, sem kom til eftir að erlendur auðmaður hafði samband og vildi eignast sumarhús hér á landi. Húsið í Kiðjabergi var því aldrei auglýst til sölu.

Húsið er 371 fermetri að stærð og án vafa eitt glæsilegasta sumarhús á Íslandi. Fram að þessu hefur verið leigt út af fyrirtæki, sem er með nokkrar aðrar svipaðar eignir til útleigu, eins og sjá má hér. Seljandinn er íslenskur.