Töluvert af dýrum bílum voru nýskráðir á Íslandi fyrstu fimm mánuði ársins.
Lúxusbílasala dróst saman um 42% fyrstu fimm mánuði ársins samanborið við árið í fyrra. Land Rover seldi flesta bíla en síðan komu Volvo og Mercedes-Benz en aðeins skildu þrír bílar merkin að.
Þetta kemur fram í Bílum, sérblaði Viðskiptablaðsins, sem kom út á miðvikudag. Áskrifendur geta lesið blaðið hér.
Sérstaka athygli vekja þrír lúxusbílar. Range Rover seldist í 41 eintaki verður að teljast verulegt. Eintakið kostar 25-30 milljónir króna.
Mercedes-Benz G jeppinn seldist í sex eintökum, þar af einn 63 AMG sem kostar um 60 milljónir.
Þrír Porsche 911 í Dakar útgáfu hafa verið nýskráðir auk þriggja annarra 911 bíla. Dakar kostar í kringum 50 milljónir króna.
Einn Dakar var skráður í fyrra og því hafa fjórir slíkir bílar verið skráðir á Íslandi. Alls voru framleiddir 2.500 Dakar bílar.
Hvers vegna Dakar?
Paris – Dakar rallið var einhver mesta álagskeppni í akstursíþróttum sem haldin hefur verið.Leiðin var sú sama frá 1977-2007 þar til henni var breytt
af öryggisástæðum. Hún var um 10 þúsund kílómetra löng.
Keppnin hófst í París, farið var í gegnum Sahara eyðimörkina og endað í Dakar, stærstu borg Senegal. Í fyrstu keppninni hófu 182 keppni en aðeins 74 luku henni.
Árið 1984 tók Porsche þátt í fyrsta sinn. Frakkinn René Metge sigraði á sérbyggðum Porsche 911 Carrera 3.2 4x4 en keppendur voru þá alls 427.
Nánar má lesa um sölu á lúxusbílum fyrstu fimm mánuði ársins í Bílum, sérblaði Viðskiptablaðsins, sem kom út á miðvikudag.
