Einar Sigursteinn Bergþórsson hefur verið ráðinn framkvæmdastjóri vátryggingasviðs hjá Verði tryggingum. Hann mun hefja störf 1. janúar næstkomandi og mun taka sæti í framkvæmdastjórn félagsins.
„Það er mikill fengur fyrir okkur hjá Verði að fá Einar til liðs við okkur. Hann hefur víðtæka þekkingu og reynslu sem mun styrkja teymi Varðar enn frekar í þeirri vegferð að bjóða viðskiptavinum okkar alltaf upp á framúrskarandi þjónustu og lausnir,” segir Guðbjörg Heiða Guðmundsdóttir forstjóri Varðar.
Einar Sigursteinn Bergþórsson hefur verið ráðinn framkvæmdastjóri vátryggingasviðs hjá Verði tryggingum. Hann mun hefja störf 1. janúar næstkomandi og mun taka sæti í framkvæmdastjórn félagsins.
„Það er mikill fengur fyrir okkur hjá Verði að fá Einar til liðs við okkur. Hann hefur víðtæka þekkingu og reynslu sem mun styrkja teymi Varðar enn frekar í þeirri vegferð að bjóða viðskiptavinum okkar alltaf upp á framúrskarandi þjónustu og lausnir,” segir Guðbjörg Heiða Guðmundsdóttir forstjóri Varðar.
Einar Sigursteinn kemur til Varðar frá N1 þar sem hann hefur gegnt stöðu forstöðumanns orkusviðs frá því í febrúar 2022. Þar bar hann ábyrgð á að byggja upp og þróa starfsemi fyrirtækisins á raforkumarkaði.
Áður starfaði Einar sem forstöðumaður viðskiptastýringar hjá Landsvirkjun og við verkefnastýringu hjá Equinor. Einar er með M.Sc. gráðu í vélaverkfræði frá Háskóla Íslands og próf í verðbréfamiðlun.
„Vörður er öflugt og framsækið tryggingafyrirtæki í hröðum vexti á spennandi markaði. Því er ég fullur tilhlökkunar að verða hluti af því öfluga teymi sem starfar hjá Verði og taka þátt í að efla fyrirtækið í þeim áhugaverðu verkefnum sem fram undan eru,” segir Einar Sigursteinn.
