Icelandair réð nýlega Guðmund Tómas Sigurðsson sem nýjan flugrekstrarstjóra félagsins. Guðmundur, sem hafði stýrt þjálfunardeild Icelandair í þrjú ár, tók við starfinu af Hauki Reynissyni en hann hafði sinnt þeirri stöðu síðan 2018.

Guðmundur er flugmaður í húð og hár og segir að áhuginn hafi byrjað snemma. Hann á þó rætur að rekja til Vestmannaeyja og það var það sem leiddi hann fyrst í vélfræðinám.