„Ég er búinn að vera í þessum bransa í 18 ár og byrjaði í raun ferilinn sem pjakkur að skúra gólfið í flugskýlinu hjá Íslandsflugi. Þar var ég um helgar að skúra og þrífa og þar kviknaði flugáhuginn.“

Um leið og Andri kláraði grunnskólanám sannfærði hann foreldra sína um að hleypa honum einum til Danmerkur í flugvirkjanám. Þar var hann í fimm ár ásamt því að vera lærlingur hjá Icelandair.