Stjórn Reita fasteignafélags hf. staðfesti á fundi sínum í dag ráðningu Guðna Aðalsteinssonar í starf forstjóra félagsins.
Guðni Aðalsteinsson var í morgun staðfestur af stjórn Reita fasteignafélags sem nýr forstjóri félagsins en hann mun taka við starfinu af Guðjóni Auðunssyni þann 1. apríl en hann er að láta af störfum eftir þrettán ár í starfi.
Í fréttatilkynningu er greint frá því að Guðni sé með B.Sc. gráðu í hagfræði frá Háskóla Íslands og MBA gráðu frá háskólanum í Cambridge. Hann hefur jafnframt lokið diplómu í fjárfestingum frá Harvard viðskiptaháskólanum og er um þessar mundir í doktorsnámi við UBIS viðskiptaháskólann í Genf.
Stjórn Reita fasteignafélags hf. staðfesti á fundi sínum í dag ráðningu Guðna Aðalsteinssonar í starf forstjóra félagsins.
Guðni Aðalsteinsson var í morgun staðfestur af stjórn Reita fasteignafélags sem nýr forstjóri félagsins en hann mun taka við starfinu af Guðjóni Auðunssyni þann 1. apríl en hann er að láta af störfum eftir þrettán ár í starfi.
Í fréttatilkynningu er greint frá því að Guðni sé með B.Sc. gráðu í hagfræði frá Háskóla Íslands og MBA gráðu frá háskólanum í Cambridge. Hann hefur jafnframt lokið diplómu í fjárfestingum frá Harvard viðskiptaháskólanum og er um þessar mundir í doktorsnámi við UBIS viðskiptaháskólann í Genf.
Fyrrum forstjóri Doha Bank
Guðni hefur víðtæka reynslu af rekstri og stjórnunarstörfum. Hann kemur til Reita frá Doha Bank, þriðja stærsta viðskiptabanka Katar, þar sem hann gegndi stöðu forstjóra og þar áður stöðu framkvæmdastjóra fjárfestinga og fjárstýringar bankans. Hann hefur á ferli sínum gegnt fjölþættum stjórnunarstöðum á Íslandi, Englandi, Þýskalandi og Katar.
„Það eru forréttindi að vera valinn til að leiða hóp framúrskarandi starfsfólks Reita í þeirri umfangsmiklu uppbyggingu félagsins sem fram undan er. Staða fyrirtækisins sem öflugasta fasteignafélags landsins er sérstaklega traust og það vel í stakk búið að taka næstu skref sem leiðandi afl í þróun fasteigna og fleiri innviða. Ég tel að félagið sé í einstakri stöðu til að mæta vaxandi þörfum opinberra aðila fyrir uppbyggingu samfélagslegra innviða sem og húsnæðis á almennum markaði fyrir fjölbreyttan hóp viðskiptavina. Ég þakka stjórn Reita traustið sem mér er sýnt og hlakka til að hefja störf,“ segir Guðni Aðalsteinsson, forstjóri:
„Reitum er mikill fengur að því að fá notið víðtækrar reynslu og þekkingar Guðna nú þegar við blasa afar fjölbreytt og áhugaverð sóknarfæri til þróunar á starfsemi félagsins. Hann kemur til starfa úr kröfuhörðu alþjóðlegu umhverfi með áherslur og sýn m. a. um sjálfbærni, sem vel falla að stefnumótun félagsins um uppbyggingu, þjónustu og arðsemi. Guðni er vel til þess fallinn að nýta krafta félagsins og leiða það inn í nýtt uppbyggingarskeið til að svara nýjum þörfum og áskorunum,“ segir Þórarinn V. Þórarinsson, stjórnarformaður.
