Gunnar Már Sigurfinnsson hefur ákveðið að segja starfi sínu lausu sem framkvæmdastjóri Icelandair Cargo og mun þar með stíga til hliðar úr framkvæmdastjórn Icelandair Group.
Þetta kemur fram í tilkynningu Icelandair til Kauphallarinnar.
„Uppsögnin tekur gildi samstundis en Gunnar Már mun halda áfram að starfa með félaginu á næstu mánuðum og styðja eftirmann sinn eftir því sem þörf er á til að tryggja óslitna starfsemi á þessu mikilvæga sviði innan félagsins,“ segir í tilkynningunni.
Icelandair hefur ráðið Einar Má Guðmundsson, forstöðumann hjá tæknisviði Icelandair, tímabundið í starf framkvæmdastjóra Icelandair Cargo og mun hann sitja í framkvæmdastjórn Icelandair Group á meðan hann gegnir stöðunni.
„Formlegt ráðningarferli mun nú fara af stað í því skyni að ráða til starfa nýjan framkvæmdastjóra félagsins,“ segir í tilkynningunni.
Gunnar Már Sigurfinnsson hefur ákveðið að segja starfi sínu lausu sem framkvæmdastjóri Icelandair Cargo og mun þar með stíga til hliðar úr framkvæmdastjórn Icelandair Group.
Þetta kemur fram í tilkynningu Icelandair til Kauphallarinnar.
„Uppsögnin tekur gildi samstundis en Gunnar Már mun halda áfram að starfa með félaginu á næstu mánuðum og styðja eftirmann sinn eftir því sem þörf er á til að tryggja óslitna starfsemi á þessu mikilvæga sviði innan félagsins,“ segir í tilkynningunni.
Icelandair hefur ráðið Einar Má Guðmundsson, forstöðumann hjá tæknisviði Icelandair, tímabundið í starf framkvæmdastjóra Icelandair Cargo og mun hann sitja í framkvæmdastjórn Icelandair Group á meðan hann gegnir stöðunni.
„Formlegt ráðningarferli mun nú fara af stað í því skyni að ráða til starfa nýjan framkvæmdastjóra félagsins,“ segir í tilkynningunni.
Icelandair færði afkomuspá sína fyrir árið niður í gær og gerir félagið nú ráð fyrir r EBIT-framlegð fyrir árið 2023 verði á bilinu 3,3-4,3% en félagið gerði áður ráð fyrir að hlutfallið yrði á bilinu 4-6%.
Í afkomuspánni segir að fraktstarfsemi félagsins hefur reynst mjög krefjandi og sá afkomubati sem gert var ráð fyrir við birtingu annars ársfjórðungs hefur ekki skilað sér. Frá sama tíma hefur eldsneytisverð hækkað um tæplega 30%.
Segir þar einnig að rík áhersla verði lögð á að fraktstarfseminni aftur í jákvæðan rekstur.
Verið framkvæmdastjóri frá 2005
„Gunnar Már hefur verið mikilvægur liðsmaður innan Icelandair síðustu áratugi þar sem hann hefur gegnt ýmsum mikilvægum stöðum innan félagsins. Hann hefur verið framkvæmdastjóri hjá Icelandair síðan 2005, meðal annars sem framkvæmdastjóri sölu- og markaðssviðs í samtals yfir 5 ár. Hann hefur svo farsællega leitt starfsemi Icelandair Cargo síðastliðin 15 ár þar sem hann gegndi mikilvægu hlutverki þegar Covid-19 faraldurinn gekk yfir. Þegar Icelandair gekk í gegnum þetta krefjandi tímabil átti hann stóran þátt í að grípa þau tækifæri sem gáfust á fraktmarkaðnum til að tryggja mikilvægar tekjur þegar Icelandair fór í gegnum fordæmalausa erfiðleika. Fyrir hönd Icelandair-teymisins vil ég þakka Gunnari Má fyrir ómetanlegt starf hjá félaginu í gegnum árin og hlakka til að vinna áfram með honum í þeim mikilvægu verkefnum sem eru fram undan hjá félaginu,” segir Bogi Nils Bogason, forstjóri Icelandair Group í tilkynningunni.
Skemmtileg vegferð frá hlaðinu alla leið í framkvæmdastjórn
„Ég er gríðarlega stoltur og þakklátur fyrir að hafa fengið tækifæri til þess að vinna fyrir Icelandair Group að fjölmörgum verkefnum alla mína starfsævi. Ferillinn sem hófst í Eyjum árið 1986 hefur spannað allt sviðið sem þetta frábæra félag býður upp á. Það hefur verið skemmtileg vegferð frá hlaðinu alla leið í framkvæmdastjórn. Ég hef notið þess að vinna með frábæru fólki bæði hér á landi og á starfstöðvum félagsins erlendis þar sem við höfum ávallt unnið saman að einu markmiði í blíðu og stríðu. Icelandair hefur mikil tækifæri til frekari vaxtar og býr yfir frábærum mannauði sem mun tryggja góðan árangur til lengri tíma. Ég óska öllum í Icelandair fjölskyldunni velfarnaðar í þeirra störfum og mun að sjálfsögðu verða áfram til staðar til að liðsinna við þau mikilvægu verkefni sem eru fram undan innan félagsins,” segir Gunnar Már Sigurfinnsson.
