Fyrr í þessum mánuði hóf Karen Ósk Gylfadóttir störf sem framkvæmdastjóri Lyfju og tók um leið sæti í framkvæmdastjórn Festi. Hún hefur síðustu þrjú ár gegnt starfi framkvæmdastjóra vöru- og markaðssviðs og stafrænnar þróunar fyrirtækisins.
Karen tók við af Hildi Þórisdóttur, sem hafði verið starfandi framkvæmdastjóri samhliða fyrra starfi sínu sem framkvæmdastjóri mannauðssviðs frá því sumarið 2023 eftir að Sigríður Margrét Oddsdóttir, þáverandi framkvæmdastjóri, lét af störfum.
Hún er lærður viðskiptafræðingur frá Háskóla Íslands og starfaði í Vesturhlíð, frístundaheimili fyrir börn með fötlun, með námi og síðar hjá Arion banka fram að námslokum. Þar á eftir fór hún yfir til Nova.
Karen sat einnig í stjórn ÍMARK og stofnstjórn Ungra athafnakvenna. Hún hóf svo störf hjá Lyfju árið 2021 og starfaði sem framkvæmdastjóri markaðs-, vörusviðs og stafrænna lausna til 2024. Hún segir að það hafi verið vegferð og framtíðarsýn félagsins sem heillaði hana og segist stolt af því að tilheyra fyrirtækinu.
Nánar er fjallað um Karen í Viðskiptablaði vikunnar. Áskrifendur geta nálgast viðtalið í heild sinni hér.
