Áhugi Ingva á markaðsmálum kviknaði þegar hann var í menntaskóla en þá tók hann markaðsfræðiáfanga við Verzlunarskóla Íslands. Fagið höfðaði strax til hans og þótti honum spennandi hvernig markaðsfræðin blandaði saman myndrænni sköpun og samskiptum.

Eftir útskrift fór hann í viðskiptafræði við Bifröst þar sem hann naut lífsins á heimavist í Borgarfirði. Þegar því námi lauk fór hann á vinnumarkað en ákvað svo að skella sér í  markaðsfræði í alþjóðaviðskiptum hjá Háskóla Íslands og eftir það var ekki aftur snúið.