„Ég er búin að vera í ferðaþjónustu í rúm 20 ár. Ég fann það bara strax að ég hafði gaman af þessu og maður þrífst náttúrulega best þar sem manni líður vel.“

Thelma byrjaði að vinna hjá Icelandair hótelum þegar hún var aðeins 18 ára en á þeim tíma voru bara Íslendingar sem unnu á hótelinu.

„Mikið hefur breyst síðan þá með mikilli aukningu ferðamanna og í dag reiðum við okkur á erlenda starfsmenn til að mæta þeim mikla fjölda ferðamanna sem kemur til landsins. Án þeirra væri þetta ekki hægt og höfum við verið einstaklega heppin að áhugi á að lifa og starfa á Íslandi hefur aukist meðfram auknum fjölda ferðamanna.“