Magnús Már Leifsson var ráðinn forstöðumaður Premíu hjá Arion banka í síðasta mánuði. Þar mun hann leiða nýtt Premíu-teymi sem mun veita viðskiptavinum aðgang að sérfræðingum, hagstæðum kjörum, einkabankaþjónustu og fjárstýringu.

Hann hóf störf í einkabankaþjónustu hjá Arion banka fyrr á árinu en áður en Magnús gekk til liðs við Arion banka starfaði hann hjá Kviku eignastýringu, meðal annars sem yfirlögfræðingur hjá félaginu.