Tinna R. Freysdóttir hefur verið ráðin framkvæmdastjóri Halló ehf. en hún hefur starfað sem þjónustustjóri hjá fyrirtækinu undanfarin misseri. Á árunum 2017 til 2021 starfaði hún þá sem þjónustustjóri hjá Heimkaupum.
„Við erum alsæl að fá Tinnu sem framkvæmdastjóra Halló ehf. Fyrirtæki eru að útvista símsvörun og samskiptum í vaxandi mæli til sérhæfðra þjónustufyrirtækja. Mikil tæknivæðing hefur orðið í meðhöndlun samtala og skilaboða og þjónustuhugmyndir eru að breytast. Á svona tímum er ómetanlegt að fá öflugan stjórnanda að borðinu eins og Tinnu,“ segir Andri Árnason framkvæmdastjóri Miðlunar ehf sem er eigandi félagsins.
Tinna er með BS-gráðu í ferðamálafræði og er að ljúka meistaragráðu í viðskiptafræði frá Háskóla Íslands.
Halló annast símsvörun og önnur samskipti fyrir fjölda íslenskra fyrirtækja en starfsemin hefur verið hluti af rekstri Miðlunar ehf. undanfarin 20 ár. Í byrjun árs varð fyrirtækið svo sjálfstæður rekstraraðili undir nafninu Halló ehf.
Tinna R. Freysdóttir hefur verið ráðin framkvæmdastjóri Halló ehf. en hún hefur starfað sem þjónustustjóri hjá fyrirtækinu undanfarin misseri. Á árunum 2017 til 2021 starfaði hún þá sem þjónustustjóri hjá Heimkaupum.
„Við erum alsæl að fá Tinnu sem framkvæmdastjóra Halló ehf. Fyrirtæki eru að útvista símsvörun og samskiptum í vaxandi mæli til sérhæfðra þjónustufyrirtækja. Mikil tæknivæðing hefur orðið í meðhöndlun samtala og skilaboða og þjónustuhugmyndir eru að breytast. Á svona tímum er ómetanlegt að fá öflugan stjórnanda að borðinu eins og Tinnu,“ segir Andri Árnason framkvæmdastjóri Miðlunar ehf sem er eigandi félagsins.
Tinna er með BS-gráðu í ferðamálafræði og er að ljúka meistaragráðu í viðskiptafræði frá Háskóla Íslands.
Halló annast símsvörun og önnur samskipti fyrir fjölda íslenskra fyrirtækja en starfsemin hefur verið hluti af rekstri Miðlunar ehf. undanfarin 20 ár. Í byrjun árs varð fyrirtækið svo sjálfstæður rekstraraðili undir nafninu Halló ehf.
