Klara Símonardóttir kemur til Rannsóknarseturs verslunarinnar frá heildversluninni Petmark en þar hefur hún starfað síðustu ár sem framkvæmdastjóri og unnið þar að hraðri uppbyggingu fyrirtækisins ásamt því að stýra sölu- og markaðsmálum.

Hún vann áður hjá Hundaræktarfélagi Íslands en Klara er mjög mikil hundamanneskja. Hún er með tvo hunda heima hjá sér en segir það vera óvenjulega lága tölu miðað við þá sex til sjö hunda sem hafa stundum verið á heimili hennar.