15 milljarða velta hjá Eskju

Sjávarútvegsfyrirtækið Eskja hagnaðist um 32,5 milljónir dala á síðasta ári, eða sem nemur 4,4 milljörðum króna.

Til samanburðar nam hagnaðurinn 31,7 milljónum dala árið áður. Tekjur félagsins jukust um 14% á milli ára og námu 112,7 milljónum dala.

Í skýrslu stjórnar segir að auknar tekjur megi að mestu rekja til meiri loðnuveiða.

Eskja er að mestu í eigu Bjarkar Aðalsteindóttur, dóttur Alla ríka, og eiginmanns hennar, Þorsteins Kristjánssonar, sem er forstjóri félagsins. Stjórn félagsins leggur til að greiddur verði 1,7 milljarða arður til hluthafa.