Hagstofan áætlar að landsframleiðsla hafi aukist um 2,6 % að raunvirði á fyrsta ársfjórðungi 2025 miðað við sama tímabil fyrra árs, samkvæmt fyrsta mati stofnunarinnar. Hagvöxtur hafur ekki verið meiri síðan á þriðja ársfjórðungi 2023.
Fjármunamyndun, sem jókst um 18%, vegur þyngst í hagvexti. Þar af er áætlað að íbúðafjárfesting hafi aukist um 22,4% miðað við sama ársfjórðung 2024. Atvinnuvegafjárfesting er á sama tíma talin hafa aukist um 19,6%, að langstærstum hluta vegna mikillar aukningar í innflutningi tölvubúnaðar fyrir gagnaver.
Einkaneysla jókst um 2,3% og samneysla um 2,6%. Að teknu tilliti til birgðabreytinga er áætlað að þjóðarútgjöld hafi aukist um 6,3% að raunvirði.
Vegna aukins halla á vöru- og þjónustuviðskiptum við útlönd á fyrsta ársfjórðungi samanborið við fyrra ár var framlag utanríkisviðskipta til hagvaxtar neikvætt um 2,1%. Áætlað er að vöru- og þjónustuviðskipti við útlönd hafi verið neikvæð um 65,5 milljarða króna á fyrsta ársfjórðungi, en til samanburðar var hallinn 36 milljarðar króna á fyrsta fjórðungi 2024.
