Hagnaður sjávarútvegsfyrirtækisins G. Run í Grundarfirði nam 169 milljónum króna í fyrra og breyttist lítið milli ára. Rekstrartekjur námu tæpum 2,6 milljörðum og jukust um 17% milli ára.

Í byrjun árs keypti félagið fiskiskipið Guðmund SH-235, veiðarfæri og aflaheimildir fyrir 460 milljónir króna. Afhending, greiðsla og afsal fór fram í janúar 2025 og fyrsta löndun skipsins var 15. janúar 2025.

Lykiltölur / Guðmundur Runólfsson hf.

2024 2023
Rekstrartekjur 2.589 2.212
Eigið fé 2.120 2.151
Eignir 5.719 5.837
Hagnaður 169 170
- í milljónum króna

Fréttin birtist fyrst í Viðskiptablaðinu.