Félög í eigu Fenger-fjölskyldunnar, Helgafell og Eignarhaldsfélagið Kolka, skiluðu samanlagt 726 milljóna króna hagnaði í fyrra.

Viðsnúningur var hjá Helgafelli, sem fer með 46,09% hlut í S121, stærsta hluthafa fjárfestingafélagsins Stoða.

Hagnaður ársins 2023 nam 624 milljónum króna en árið áður nam tap 1.130 milljónum. Skýrist það nær eingöngu af hlutdeild í afkomu S121. Eigið fé jókst um 623 milljónir og var 14.280 milljónir í lok árs 2023.