Eftir að stjórnvöld kynntu hugmyndir um tvöföldun veiðigjalda fór strax af stað umræða um það hver áhrifin gætu verið á íslenskan sjávarútveg. Eitt af því sem mikið hefur verið rætt er hvort hækkun veiðigjalda muni leiða til þess að íslensk fiskvinnsla flytjist úr landi, þar sem ekki verði lengur arðbært að stunda hana hérlendis.
Í könnun sem Gallup gerði fyrir Viðskiptablaðið er spurt út í fiskvinnslu. Voru þátttakendur annarsvegar spurðir: Hversu miklu eða litlu máli finnst þér skipta að fiskur sé fullunninn á Íslandi? Hinsvegar voru þeir spurðir: Ef fyrirhuguð breyting á veiðigjaldi verður að veruleika, hversu líklegt eða ólíklegt telur þú að hluti fiskvinnslu flytjist úr landi?
Í fyrri spurningunni var afstaðan alveg skýr. Alls telja 90% miklu máli skipta að fiskur sé fullunninn á Íslandi. Þegar svörin eru skoðað nánar kemur í ljós að 30% segja öllu máli skipta að fiskur sé fullunninn hér, tæplega 42% telja mjög miklu máli skipta að það sé gert og ríflega 18% segja það skipta frekar miklu máli. Einungis 3,5% sögðu litlu máli skipta að fiskur sé fullunninn á Íslandi og 6,4% svöruðu hvorki né.
Svörin er einnig greind út frá breytum eins kyni, aldri, búsetu, tekjum og menntun. Eins og áður sagði þá telja 30% svarenda öllu máli skipta að fiskur sé fullunninn hér. Þetta hlutfall fer upp í 41% hjá þeim tekjulægstu á meðan það er 24% hjá þeim tekjuhæstu.
Hlutfallið er 38% hjá þeim sem lokið hafa grunnskólaprófi en 21% hjá þeim sem eru með háskólapróf. Það er 34% á landsbyggðinni en 26% Reykjavík. Nokkra athygli vekur að þetta hlutfall er 20 til 28% hjá fólki á aldrinum 30 til 59 ára. Aftur á móti er það 35-36% hjá fólki á aldrinum 18 til 29 ára, sem og hjá fólki sem er 60 ára og eldra. Lítill munur afstöðu út frá kyni.
Flyst vinnsla úr landi?
Í seinni spurningunni, þar sem spurt var hversu líklegt eða ólíklegt fólk telur að fiskvinnsla flytjist að hluta úr landi verði veiðigjaldið að veruleika, skiptist fólk í tvo hópa.
Nánar er fjallað um málið í Viðskiptablaðinu. Áskrifendur geta lesið fréttina í heild hér.
