Konráð S. Guðjónsson, hagfræðingur og fyrrum efnahagsráðgjafi ríkisstjórnar Íslands, segir að aðhaldið vegna síðustu fjárlaga hafa verið metið meira en það sem ríkisstjórnin kynnti í fjármálaáætlun í morgun.
Nýrri ríkisstjórn hefur verið tíðrætt um aðhald og aðhaldsaðgerðir. Í nýrri fjármálaáætlun er gert ráð fyrir að árið 2027 verði ríkissjóður hallalaus og hið opinbera frá og með árinu 2028.
„Þegar um er að ræða áhrif ríkisfjármála á verðbólgu skiptir það sem er á meðfylgjandi mynd mestu máli. Aðhaldið vegna síðustu fjárlaga er t.d. metið meira en áður var talið. Það sem er áhugaverðast er að þrátt fyrir öll stóru orðin er aðhaldið 2026-29 minna í nýrri fjármálaáætlun heldur en þeirri sem birt var fyrir ári síðan,“ skrifar Konráð á samfélagsmiðlinum X.
Hann birtir þar ljósmynd úr fjármálaáætlun 2026-29 máli sínu stuðnings.
Þegar um er að ræða áhrif ríkisfjármála á verðbólgu skiptir það sem er á meðfylgjandi mynd mestu máli. Aðhaldið vegna síðustu fjárlaga er t.d. metið meira en áður var talið.
— Konráð S. Guðjónsson (@konradgudjons) March 31, 2025
Það sem er áhugaverðast er að þrátt fyrir öll stóru orðin er aðhaldið 2026-29 minna í nýrri fjármálaáætlun… pic.twitter.com/sCQdnalETE
