Hlutabréf í netverslunarrisanum Amazon hafa hækkað um 6% í framvirkum samningum fyrir lokuðum markaði eftir að fyrirtækið birti uppgjör þriðja ársfjórðungs seint í gærkvöldi.
Hlutabréf í netverslunarrisanum Amazon hafa hækkað um 6% í framvirkum samningum fyrir lokuðum markaði eftir að fyrirtækið birti uppgjör þriðja ársfjórðungs seint í gærkvöldi.
Tekjur Amazon námu 143 milljörðum dala á fjórungum sem samsvarar rúmlega 21 þúsund milljörðum íslenskra króna. Mun það vera ofar væntingum markaðsaðila sem höfðu spáð að tekjur fyrirtækisins yrðu í kringum 141,5 milljarðar.
Amazon hagnaðist um 9,88 milljarða dala sem var mun meiri hagnaður en búist var við. Markaðsaðilar höfðu áætlað hagnað fyrirtækisins í kringum 6 milljarða dali.
Var hagnaðurinn því um 590 milljörðum íslenskra króna meiri en búist var við.
Tekjur af Amazon Web Service jukust einnig um 12% á fjórðungnum í samanburði við árið áður og námu 23,1 milljarði.
Dagslokagengi Amazon var í kringum 119 dali en samkvæmt The Wall Street Journal mun gengið verða í kringum 127 dali þegar markaðir opna vestanhafs.