Samkvæmt afkomuspá Alvotech fyrir árið 2024 er gert ráð fyrir að tekjur verði á bilinu 300- 400 milljónir dala í ár.
Mun það vera töluvert meiri tekjur en félagið hefur verið að skila síðustu ár en samkvæmt ársuppgjöri námu tekjur félagsins í fyrra 93,4 milljónum dala sem var 10% aukning frá árinu áður.
Í afkomuspánni er gert ráð fyrir að Simlandi, líftæknilyfjahliðstæða Alvotech hlaut markaðsleyfi í Bandaríkjunum og verður fyrsta hliðstæða við gigtarlyfið Humira, komi á markað á öðrum ársfjórðungi.
Þá er stefnt að því að koma AVT04, einstofna mótefni og líftæknilyfjahliðstæða við Stelara, á markað á fjórða ársfjórðungi.
Samkvæmt afkomuspánni er gert ráð fyrir að EBITDA félagsins verði á bilinu 59 til 150 milljónir dala árið 2024.
Afkomuspá Alvotech fyrir árið 2025 gerir síðan ráð fyrir því að tekjur muni tvöfaldast á milli áranna 2024 og 2025.
Tap Alvotech á árinu 2023 nam 551,7 milljónum Bandaríkjadala sem samsvarar 75 milljörðum króna á gengi dagsins. Mun það vera sambærilegt tap og árið 2022 þegar félagið skilaði 513,6 milljóna dala tapi sem sam¬svaraði 73 milljörðum á þáverandi gengi.
