Loðnuvinnslan hf. í Fáskrúðsfirði hagnaðist um 659 milljónir króna í fyrra og nam velta sameinaðs félags 18,9 milljörðum króna. Loðnuleysi og slök makrílveiði leiddi m.a. til þess að sjávarafli í tonnum dróst saman um 6,7%, þar sem mestu munar um loðnuleysi og slaka makrílveiði, og drógust heildartekjur fiskvinnslu saman um 28%.

Sjávarafli í tonnum dróst saman um 6,7% þar sem mestu munar um loðnuleysi og slaka makrílveiði og drógust heildartekjur fiskvinnslu drógust saman um 28%. Aukin kolmunni frá erlendum skipum og loðna úr Barentshafi dró aðeins úr högginu.

Í ársskýrslu segir að ákvörðun stjórnvalda um að leggja veiðileyfagjöld á sjávarútvegsfyrirtækin hafi veruleg áhrif á rekstur félagsins en á árinu 2025 sé gert ráð fyrir því að þau hækki um 30% frá fyrra ári. Afkoma útgerðar hafi því undir högg að sækja en áform um frekari hækkun og jafnvel tvöföldun veiðigjalda sé hrein aðför að rekstrinum.

„Loðnuvinnslan hefur á undanförnum árum lagt kapp á að borga hóflegan arð og nýta þá fjármuni sem falla til í rekstrinum til að byggja félagið upp og efla það. Það kostar mikla fjármuni að viðhalda og endurnýja dýr rekstrartæki og það liggur í augum uppi að skattheimta af þessu umfangi mun draga kraftinn úr vextinum.“

Kaupfélag Fáskrúðsfurðinga fer með 83,23% hlut í Loðnuvinnslunni. Lagt er til að arður að fjárhæð 140 milljónir króna verði greiddur út til hluthafa á árinu.

Á árinu 2024 voru dótturfyrirtæki Loðnuvinnslunar sameinuð félaginu og miða tölur ársins 2024 við sameinað félag en tölur ársins 2023 miðast við samstæðu félagsins.

Lykiltölur / Loðnuvinnslan hf.

2024 2023
Rekstrartekjur 18.947 16.500
Rekstrargjöld 14.084 9.246
Eignir 29.725 30.795
Hagnaður 659 1.284
- í milljónum króna

Fréttin birtist fyrst í Viðskiptablaðinu.