Alvotech lækkaði tæp 8% við opnun kauphallarinnar í morgun. Dregið hefur úr lækkuninni og nemur hún nú 5,56%.
Ástæða lækkunarinnar er óvænt hlutafjárútboð í Svíþjóð sem lauk seint í gærkvöld. Þar voru seldir tæpir 10 milljarðar íslenskra króna að markaðsverði á gengi sem var 8,4% undir lokagengi í kauphöllinni í gær.
Alvotech var skráð í Svíþjóð um miðjan maí. Farin var einfaldari leið en skráning því gefin voru út heimildarskírteini, svokölluð Swedish Depository Receipts (SDR), sem gera fjárfestum í Svíþjóð kleift að eiga hlut í erlendu félagi í gegnum afleiðu án þess að eiga raunveruleg hlutabréf í því. Þessi lausn einfaldar skráningu og viðskipti á mörkuðum milli landa.
Fjárfestum í Alvotech kom á óvart í fyrradag þegar félagið ákvað að sækja enn meira fé í Svíþjóð með 8,4 afslætti. Því hafa bréfin lækkað í íslensku kauphöllinni í morgun.
