Arion banki hefur gert breytingar á inn- og útlánsvöxtum sem taka gildi strax á mánudaginn næsta. Breytingarnar eru eftirfarandi:
Íbúðalán
Óverðtryggðir breytilegir íbúðalánavextir lækka um 0,50 prósentustig og verða 9,64%
Kjörvextir
Óverðtryggðir breytilegir kjörvextir lækka um 0,50 prósentustig og verða 10,85%.
Bílalán
Kjörvextir bílalána lækka um 0,50 prósentustig og verða 11,25%.
Yfirdráttarvextir
Yfirdráttavextir lækka um 0,50 prósentustig og verða 15,75%.
Kreditkort
Greiðsludreifing og veltuvextir kreditkorta lækka um 0,50 prósentustig og verða 15,75%.
Innlán
Vextir veltureikninga lækka um allt að 0,50 prósentustig
Vextir annarra óverðtryggðra sparireikninga lækka um allt að 0,50 prósentustig
Í tilkynningu frá bankanum er greint frá því að vaxtabreytingar útlána Arion banka taki mið af fjármögnunarkostnaði bankans á hverjum tíma en einnig af öðrum þáttum, m.a. útlánaáhættu. Fjármögnunarkostnaður bankans fylgir að hluta til stýrivöxtum Seðlabankans en einnig hafa aðrar fjármögnunarleiðir umtalsverð áhrif, svo sem innlán viðskiptavina, markaðsfjármögnun, erlend skuldabréfaútgáfa og eiginfjárgerningar.
