Arion banki er með til skoðunar að stofna fasteignafélag á íbúðamarkaði. Jafnframt horfir bankinn til að mögulega skrá fasteignafélagið í Kauphöllina í framtíðinni. Benedikt Gíslason, bankastjóri Arion banka upplýsti um þetta á markaðsdegi bankans sem stendur yfir.

Hugmyndin er að koma á fót fasteignafélagi sem kemur að fasteignaverkefnum frá upphafi til enda („real estate one-stop shop“). Ásamt því að koma að þróun og uppbyggingu er horft til leigustarfsemi.