Ásgeir Jónsson seðlabankastjóri sagði Seðlabankann telja að líklega þurfi „einhverja harða lendingu í raunhagkerfinu“ svo að verðbólga fari niður í markmið. Þetta sagði hann á kynningarfundi fjármálastöðugleikanefndar í morgun.

Nefndin sagði í yfirlýsingu sem birt var í morgun að viðvarandi verðbólga og háir vextir hafi skapað áskoranir fyrir heimili og fyrirtæki síðustu misseri. Vanskil í fjármálakerfinu séu þó lítil og efnahagsreikningar einkageirans almennt sterkir ásamt því að skuldahlutföll sé lág í sögulegum og alþjóðlegum skilningi.

Erna Björg Sverrisdóttir, aðalhagfræðingur Arion banka, spurði bankann út í þessar áskoranir m.t.t. verðbólguspár Seðlabankans sem gerir ráð fyrir að verðbólga verði áfram yfir 3% á fyrri helmingi næsta árs og setti þær í samhengi við skilaboð peningastefnunefndar um að vextir verði ekki lækkaðir nema verðbólga minnkar.