Auglýsingastofan SAHARA hefur sett upp mælaborð sem fylgist með því í rauntíma hvað frambjóðendur til embættis forseta Íslands eru að gera á Google, Facebook og öðrum samfélagsmiðlum.
Samkvæmt mælaborðinu hefur Facebook síðan Ástþór forseti eytt 7,8 milljónum í auglýsingar á samfélagsmiðlum á síðustu 90 dögum.
Facebook-síðan Halla Hrund- fyrir framtíðina hefur eytt næstmest en samkvæmt mælaborðinu hefur Halla Hrund keypt auglýsingar fyrir rúma hálfa milljón á sama tímabili.
Auglýsingastofan SAHARA hefur sett upp mælaborð sem fylgist með því í rauntíma hvað frambjóðendur til embættis forseta Íslands eru að gera á Google, Facebook og öðrum samfélagsmiðlum.
Samkvæmt mælaborðinu hefur Facebook síðan Ástþór forseti eytt 7,8 milljónum í auglýsingar á samfélagsmiðlum á síðustu 90 dögum.
Facebook-síðan Halla Hrund- fyrir framtíðina hefur eytt næstmest en samkvæmt mælaborðinu hefur Halla Hrund keypt auglýsingar fyrir rúma hálfa milljón á sama tímabili.
Halla Tómasdóttir og Jón Gnarr hafa einnig eytt yfir hálfri milljón í auglýsingar á samfélagsmiðlum.
Ásdís Rán (IceQueen) hefur eytt langminnst eða um 130 krónum á tímabilinu. Sahara tekur fram það séu ekki nægar upplýsingar um Facebook síður Eiríks Inga Jóhannssonar og Steinunnar Ólínu Þorsteinsdóttur.
![Auglýsingakaup frambjóðenda](http://vb.overcastcdn.com/images/134573.width-500.png)
Mælaborðið, sem er beintengt við gögn hjá Google og Meta, sýnir einnig upplýsingar um þróun á fjölda fylgjenda allra frambjóðenda á samfélagsmiðlum og áhuga á þeim, byggt á leitum í leitarvél Google.
„Sérfræðingar Sahara hreykja sér af því að vera gagnadrifin og tóku því saman þetta mælaborð til að fylgjast með helstu gögnum í kringum samfélagsmiðla og Google í aðdraganda forsetakosninganna. Við tókum saman sambærilegt mælaborð í síðustu alþingiskosningum og sáum okkur leik á borði að endurtaka þann leik og vonum að almenningur hafi fyrst og fremst gaman af þessu,” segir Andreas Aðalsteinsson, yfirmaður stafrænnar deildar og partner hjá SAHARA í tilkynningu.
Hægt er að fylgjast með mælaborðinu hér.