Kvika banki hefur metið áhrif CRR III á eiginfjárbindingu sína og telur að áhættuvegnar eignir (REA) muni lækka um allt að 14 prósent. Þetta skapar talsvert svigrúm hjá bankanum til að auka útlán eða endurskipuleggja eiginfjársamsetningu.
Líkt og Viðskiptablaðiðgreindi frá í síðustu viku munu nýju evrópsku fjármálareglurnar CRR III hafa á útlánaskilyrði bankanna.
Þegar borin eru saman áætluð áhrif CRR III á íslenska banka kemur í ljós að hlutfallsleg lækkun REA hjá Kviku sker sig úr. Arion banki áætlar lækkun um 40 milljarða eða 4 prósent og Íslandsbanki um 47 milljarða eða 5 prósent.
Kvika gefur ekki upp krónutölu, en 14 prósenta lækkun gefur til kynna að bankinn hafi verið með hátt hlutfall lána sem áður voru undir mikilli eiginfjárbindingu og nú falla undir aðra flokka nýju reglugerðarinnar.
Þar með virðist Kvika vera hlutfallslega í betri stöðu til að nýta nýtt regluverk til vaxtalækkunar, útlánavaxtar eða hagræðingar í eiginfjárstýringu en samkeppnisaðilar.
Lækkunin hjá Kviku er að mestu tilkomin vegna breytinga á áhættuvogum fasteignatryggðra lána og útreikningum tengdum eiginfjárbindingu vegna rekstraráhættu.
Þar sem áhættuvog íbúðalána með lágu veðhlutfalli og tekjuberandi íbúðarhúsnæði getur lækkað úr 100% niður í 30 til 60% með nýju regluverki skapast mikil lækkun á eiginfjárbindingu sem áður þurfti að liggja að baki þessum lánum.
Eigið fé íslenskra banka er nú þegar mjög hátt í alþjóðlegum samanburði og því er líklegt að féð verði greitt út til hluthafa.
„Þeir hafa ekki þörf fyrir það eigið fé sem losnar við breytingarnar til að vaxa og má því segja að það sé líklegt að þetta verði greitt út með einhverjum hætti,” segir Alexander Jensen Hjálmarsson, stofnandi greiningarfyrirtækisins Akkurs.
Akkur birti í gærkvöldimat á áhrifum nýja regluverksins á Kviku, Íslandsbanka og Arion banka eftir að Kvika greindi frá áhrifunum um helgina.
Þar sem áhættuvog íbúðalána með lágu veðhlutfalli og tekjuberandi íbúðarhúsnæði getur lækkað úr 100% niður í 30 til 60% með nýju regluverki skapast mikil lækkun á eiginfjárbindingu sem áður þurfti að liggja að baki þessum lánum.
Þótt Kvika tilgreini ekki sérstaklega dótturfélagið Ortus í Bretlandi í tilkynningunni þá er líklegt að áhrifin verði mikil þar.
Ortus, sem sérhæfir sig í fasteignaveðlánum, var með um 40 milljarða króna útlánabók í lok fyrsta ársfjórðungs.
