Bandaríkjadalur hefur undanfarið styrkt stöðu sína sem öruggt skjól fjárfesta þegar óvissa eykst.
Eftir að Ísrael hóf loftárásir á Íran styrktist ICE U.S. Dollar-vísitalan, sem mælir gengi dals í gegnum körfu gjaldmiðla, um 1%.
Samkvæmt The Wall Street Journal er þó merkilegra að dalurinn hreyfðist í takt við markaðsótta, hann hækkaði þegar ótti jókst og lækkaði þegar spennan minnkaði.
Þetta bendir til að alþjóðlegir fjárfestar líti enn á gjaldmiðilinn sem skjól á óvissutímum þrátt fyrir að dalurinn hafi verið að veikjast á síðustu mánuðum.
Frá því í janúar hefur ICE U.S. Dollar vísitalan lækkað um 10%.
Þrátt fyrir nýjan styrk hafa fjárfestar síðustu misseri í auknum mæli fjarlægt bandaríkjadal og dregið úr bandarískum eignum í eignasöfnum sínum.
Christophe Boucher, fjárfestingarstjóri hjá ABN Amro Investment Solutions, sagði nýlega að „sjálfstæðisdagur Trumps hafi breytt sérstöðu Bandaríkjanna.”
Samkvæmt reglulegri könnun Bank of America eru fjárfestar nú með minnsta hlutfall af eignum sínum í bandaríkjadalí í tvo áratugi.
Þrátt fyrir að hagfræðileg lögmál bendi til þess að tollastefna og vaxtamunur ætti að styðja við styrkingu gjaldmiðilsins hefur raunveruleikinn farið þveröfugan veg.
Fjölmargir sérfræðingar benda einnig á pólitískan óstöðugleika og versnandi viðhorf bandamanna Bandaríkjanna sem þátt í veikleika dalsins til lengri tíma.
