Tækifæri til vaxtar í öflugum iðnaði er yfirskrift Iðnþings Samtaka iðnaðarins sem haldið verður í Silfurbergi í Hörpu kl. 14.00-16.00 í dag. Beina útsendingu af þinginu má finna hér að neðan.

Á þinginu verður fjallað um stóru vaxtartækifærin á Íslandi og áskoranir sem þarf að mæta í mannauði, orkuöflun og innviðauppbyggingu.

„Iðnaður er stærsta atvinnugreinin á Íslandi. Fjölbreyttur og öflugur iðnaður er undirstaða góðra lífskjara og þar liggja helstu tækifærin til vaxtar hagkerfisins. Fjölbreytt iðnfyrirtæki um land allt skapa tugþúsundir starfa og miklar útflutningstekjur.“ segir í tilkynningu SI.

Viðskiptablaðið gaf í morgun út sérblað í tilefni af Iðnþinginu sem má finna hér.

Þátttakendur í dagskrá:

  • Árni Sigurjónsson, formaður SI
  • Sigurður Hannesson, framkvæmdastjóri SI
  • Áslaug Arna Sigurbjörnsdóttir, háskóla-, iðnaðar- og nýsköpunarráðherra
  • Sigurður Ingi Jóhannsson, innviðaráðherra
  • Róbert Wessman, forstjóri og stjórnarformaður Alvotech
  • Árni Oddur Þórðarson, forstjóri Marel
  • Benedikt Gíslason, bankastjóri Arion banka
  • Valgerður Hrund Skúladóttir, framkvæmdastjóri Sensa
  • Guðmundur Árnason, fjármálastjóri Controlant
  • Guðbjörg Rist Jónsdóttir, framkvæmdastjóri Atmonia
  • Tryggvi Þór Herbertsson, stjórnarformaður Qair
  • Halldóra Vífilsdóttir, framkvæmdastjóri Nordic
  • Sigurður R. Ragnarsson, stjórnarformaður ÍAV
  • Björg Ásta Þórðardóttir, sviðsstjóri mannvirkjasviðs SI
  • Sigríður Mogensen, sviðsstjóri iðnaðar- og hugverkasviðs SI
  • Ingólfur Bender, aðalhagfræðingur SI

Ný stjórn kjörin

Á aðalfundi Samtaka iðnaðarins í morgun var tilkynnt um úrslit kosninga til stjórnar. Kosningaþátttaka var 76,26%. Kosið var um fjögur almenn stjórnarsæti. Sjö framboð bárust til almennra stjórnarsæta.

Þau sem hlutu flest atkvæði og setjast í stjórn Samtaka iðnaðarins til næstu tveggja ára eru:

  • Guðrún Halla Finnsdóttir, Norðurál
  • Karl Andreasson, Ístak
  • Magnús Hilmar Helgason, Launafl
  • Þorsteinn Víglundsson, Eignarhaldsfélagið Hornsteinn

Fyrir í stjórn Samtaka iðnaðarins eru:

  • Árni Sigurjónsson, Marel, formaður
  • Arna Arnardóttir, gullsmiður
  • Halldór Halldórsson, Íslenska kalkþörungafélagið
  • Jónína Guðmundsdóttir, Coripharma
  • Hjörtur Sigurðsson, VSB verkfræðistofa
  • Vignir Steinþór Halldórsson, Öxar