Annar af tveimur þingmönnum Miðflokksins kveðst hlynntur því að heimila innlendum einkaaðilum að stunda smásölu áfengis á netinu samkvæmt niðurstöðum könnunar Viðskiptablaðsins meðal allra þingmanna.
Viðskiptablaðið sendi eftirfarandi fyrirspurn á alla þingmenn: „Ert þú sem þingmaður almennt hlynntur eða andvígur því að heimila innlendum einkaaðilum að stunda smásölu áfengis á netinu?“ Jafnframt var spurt um afstöðu til núverandi fyrirkomulags áfengissölu með einkaleyfi ÁTVR. Alls fengust svör frá 56 af 63 þingmönnum
Annar af tveimur þingmönnum Miðflokksins kveðst hlynntur því að heimila innlendum einkaaðilum að stunda smásölu áfengis á netinu samkvæmt niðurstöðum könnunar Viðskiptablaðsins meðal allra þingmanna.
Viðskiptablaðið sendi eftirfarandi fyrirspurn á alla þingmenn: „Ert þú sem þingmaður almennt hlynntur eða andvígur því að heimila innlendum einkaaðilum að stunda smásölu áfengis á netinu?“ Jafnframt var spurt um afstöðu til núverandi fyrirkomulags áfengissölu með einkaleyfi ÁTVR. Alls fengust svör frá 56 af 63 þingmönnum
Ekki náðist í Sigmund Davíð Gunnlaugsson, formann Miðflokksins, þrátt fyrir ítrekaðar tilraunir bæði skriflega og símleiðis.
Í skriflegu svari bendir Bergþór Ólason, þingflokksformaður Miðflokksins, á að í langan tíma hafi erlendum netverslunum með áfengi verið heimilt að afhenda vörur sínar hér á landi.
„Erlendar netverslanir með áfengi eru eins og eyjarnar í Breiðafirði, óteljandi,“ segir Bergþór.
„Það er ekki ljóst með hvaða rökum er hægt að réttlæta að hindra íslensk fyrirtæki í að veita þjónustu hér á landi, sem erlendum fyrirtækjum er heimilt að veita. Í öllu falli er ástæða til að horfa til þess með jákvæðum augum að skattekjur af afkomu slíkrar starfsemi verði eftir hér heima í stað þess að hann endi erlendis.“
Hvað núverandi fyrirkomulag áfengissölu varðar segir Bergþór að það hafi þjónað landsmönnum um langa hríð.
„Í ljósi samfélagsbreytinga og þróunar í verslun almennt, er ástæða til að skoða fyrirkomulagið heildstætt, svo sem á við um fleiri svið samfélagsins, eins og starfsemi Ríkisútvarpsins svo eitt dæmi sé nefnt.“
Fjallað er ítarlega um könnunina í Viðskiptablaðinu sem kom út í gærmorgun. Áskrifendur geta nálgast umfjöllunina og svör einstakra þingmanna hér.
