Tekjur Bílastæðasjóðs borgarinnar voru 676 milljónum króna umfram áætlun samkvæmt nýbirtum ársreikningi Reykjavíkurborgar.
Í greinargerð fagsviða segir að tekjurnar séu aðallega vegna greiðslna í miðamæla vegna lengingar á gjaldskyldutíma og stækkunar á gjaldsvæðum, stöðu/aukastöðubrota og vegna hækkunar á gjaldskrá og betri nýtingu bílahúsa.
Meirihluti borgarstjórnar samþykkti um mitt ár 2023 að hækka gjöld um 40% og útvíkka gjaldskyldu.
Á sama tíma var ákveðið að gjaldskylda á svæðum P1 og P2 miðsvæðis fram til klukkan níu á kvöldin, alla daga vikunnar, þar með talið á sunnudögum.
Borgin hefur markvisst unnið að því á síðustu árum að útvíkka gjaldskyldu. Árið 2022 var útvíkkuð gjaldskylda í nokkrar götur í Vesturbæ og Þingholtum. Gjaldskyldan var einnig framlengd á Vesturgötu, Ránargötu, Bárugötu og Öldugötu vestur að Stýrimannastíg
Uppfærð gjaldskrá sýnir einnig hversu miklar hækkanirnar hafa verið en það kostar nú 630 krónur að leggja í eina klukkustund í P1.
Á P2 þarf að borga 230 krónur á klukkustund til 21 á bæði virkum dögum og laugardaga og sunnudaga.
