British Airways hefur tilkynnt að það muni hætta að fljúga til Peking frá og með október. Flugfélagið segir að það muni endurskoða ákvörðun sína í nóvember 2025.
Frá því að Úkraínustríðið hófst í febrúar 2022 hefur vestrænum flugfélögum verið bannað að fljúga yfir Rússland og hafa þau neyðst til að fljúga lengri flugleiðir með tilheyrandi eldsneytiskostnaði.
British Airways hefur tilkynnt að það muni hætta að fljúga til Peking frá og með október. Flugfélagið segir að það muni endurskoða ákvörðun sína í nóvember 2025.
Frá því að Úkraínustríðið hófst í febrúar 2022 hefur vestrænum flugfélögum verið bannað að fljúga yfir Rússland og hafa þau neyðst til að fljúga lengri flugleiðir með tilheyrandi eldsneytiskostnaði.
Flugleiðin til Kína hafði legið niðri á meðan á heimsfaraldri stóð en British Airways byrjaði að fljúga til Peking á ný á síðasta ári. Flugfélagið sagði þá að Heathrow til Peking væri ein mikilvægasta flugleið þess.
Hins vegar hefur eftirspurn eftir þessari flugleið minnkað og mun British Airways einnig hætta við önnur af sínum tveimur daglegu flugum til Hong Kong. Flug til Shanghai munu aftur á móti halda áfram.
Kínversk flugfélög geta hins vegar enn flogið yfir Rússland og veitir það sem forskot á markaðinn. Flugumferð milli Evrópu og Kína hefur þó ekki náð sér aftur á strik eftir heimsfaraldur, bæði í ljósi verðbólgu og vaxandi spennu milli ríkja.
