Samkvæmt veðbönkum og greiningarfyrirtækjum jukust líkurnar á kosningasigri Donalds Trump til muna eftir dræma frammistöðu Joe Biden forseta Bandaríkjanna í kappræðum þeirra á milli á fimmtudaginn.
Fjárfestar byrjuðu að losa sig við ríkisskuldabréf Bandaríkjanna strax á föstudagsmorgni og hefur ávöxtunarkrafa ríkisskuldabréfa rokið upp en krafan hækkar þegar virði bréfsins lækkar.
Áhyggjurnar snúa ekki einungis að mögulegum sigri Trumps en það stefnir í að Repúblikanaflokkurinn gæti náð yfirtökum á báðum deildum þingsins. Þumalputtaregla meðal fjárfesta vestanhafs er að þegar einn flokkur ræður þingi og framkvæmdarvaldi eykst halli ríkissjóðs.
Samkvæmt veðbönkum og greiningarfyrirtækjum jukust líkurnar á kosningasigri Donalds Trump til muna eftir dræma frammistöðu Joe Biden forseta Bandaríkjanna í kappræðum þeirra á milli á fimmtudaginn.
Fjárfestar byrjuðu að losa sig við ríkisskuldabréf Bandaríkjanna strax á föstudagsmorgni og hefur ávöxtunarkrafa ríkisskuldabréfa rokið upp en krafan hækkar þegar virði bréfsins lækkar.
Áhyggjurnar snúa ekki einungis að mögulegum sigri Trumps en það stefnir í að Repúblikanaflokkurinn gæti náð yfirtökum á báðum deildum þingsins. Þumalputtaregla meðal fjárfesta vestanhafs er að þegar einn flokkur ræður þingi og framkvæmdarvaldi eykst halli ríkissjóðs.
„Þetta breyttist snögglega á föstudaginn,“ segir Dan Mulholland, yfirmaður viðskipta hjá Crews & Associates, í samtali við The Wall Street Journal.
Mulholland segir að fjárfestar vera að skoða hvernig framhaldið lítur út en það hafi margir augljóslega „veðjað stórt“ á föstudaginn.
Ávöxtunarkrafa ríkisskuldabréfa til tíu ára náði loksins jafnvægi í 4,435% í gær en hún stóð í 4,287% fyrir kappræðurnar.