Michael Burry, stofnandi Scion Asset Mana­gement, hefur á ný gert róttækar breytingar á fjár­festingum sínum. Burry er hvað þekktastur fyrir að hafa grætt stórar upp­hæðir á falli fast­eigna­lána­markaðarins árið 2008.

Sam­kvæmt nýjustu skýrslu til bandarískra verðbréfaeftirlitsins (13F- filing) hefur hann selt nánast öll hluta­bréf í eigna­safni sínu, með einni undan­tekningu; snyrti­vörurisann Estée Lau­der, sem hann jafn­framt tvöfaldaði hlut sinn í.

Sam­hliða því tók hann skýra stöðu gegn stærstu tækni­fyrir­tækjunum í Kína og bandaríska ör­gjör­va­fram­leiðandanum Nvidia með því að kaupa val­réttar­samninga með sölurétt (e. put option).

Slíkir samningar gefa honum rétt til að selja hluta­bréfin á fyrir fram ákveðnu verði í framtíðinni en samningurinn verður verðmætari eftir því sem markaðsverð hluta­bréfanna lækkar.

Sam­kvæmt 13F skýrslu Burry er hann að veðja gegn, Nvidia, Ali­baba, JD.com, Baidu og PDD Holdings.

Burry seldi öll hluta­bréf sín í eftir­farandi fyrir­tækjum á fyrsta árs­fjórðungi og tók þess í stað skýra af­stöðu gegn þeim.

Að undan­skildu Nvidia hækkuðu hluta­bréf kín­versku fyrir­tækjanna tölu­vert á fjórðungnum í kjölfar þess að gervi­greinda­fyrir­tækið Deep­Se­ek kynnti spjall­menni sitt.

Burry hafði áður byggt upp stórar stöður í kín­verskum net­risum en byrjaði að draga úr kaupum þegar leið á árið 2024.

Með hlið­sjón af hugsan­legum tolla­breytingum undir stjórn Trump virðist Burry hafa séð fyrir aukinni óvissu í bæði kín­verskum hluta­bréfum og bandarískum hátækni­fyrir­tækjum.

Sam­kvæmt Bloom­berg hefur verið söluþrýstingur á bréf Nvidia, þar sem sumir fjár­festar, Burry þeirra á meðal, telja að verðlagning félagsins standist ekki raun­veru­lega af­komu eða langtíma­forsendur.

Bloom­berg telur það jafn­framt áhuga­vert að sam­hliða sölunni eykur Burry við hlut sinn í Estée Lau­der.

Snyrti­vöru­risinn hefur átt í erfið­leikum síðustu misseri en Burry virðist telja að hér sé tækifæri til langs tíma, þar sem endur­reisn gæti fært félagið aftur í vöxt og hærri fram­legð.

Sam­kvæmt Bloom­berg eru breytingar Michael Burry á eigna­safni sínu í samræmi við fjár­festinga­stefnu hans þar sem hann tekur skýra og af­gerandi af­stöðu þegar hann sér van­mat eða áhættu á markaði.

Með því að selja öll hluta­bréf nema eitt og veðja gegn nokkrum af verðmætustu fyrir­tækjum heims sé hann að synda á móti straumnum enn á ný.

Hvort sú stefna reynist á ný gríðar­lega arðbærm eins og í „The Big Short“ á eftir að koma í ljós. En ef eitt­hvað er víst, þá fylgjast fjár­festar náið með næstu skrefum Burry.