Heimstaden hefur gengið frá kaupsamningi við leigufélagið Búseta vegna kaupa hins síðarnefnda á 42 íbúðum leigufélagsins við Tangabryggju í Reykjavík.
Framkvæmdastjórar félaganna tveggja hafa undirritað viljayfirlýsingu um að Búseti kaupi yfir 90 íbúðir til viðbótar af Heimstaden.
Viðskiptablaðið greindi frá í lok maí að Heimstaden sagði upp nokkrum tugum leigusamninga hér á landi þar sem félagið vinnur nú að því að selja eignir úr eignasafni sínu.
Samkvæmt tilkynningu leitast eftir því að selja eignir til aðila sem leggja áherslu á húsnæðisöryggi og viðhafa langtímahugsun þegar kemur að samningum við leigjendur.
Í árslok 2022 voru 1677 íbúðir á Íslandi í eigu Heimstaden. Leigutekjur félagsins jukust um 16,6% milli ára og námu tæpum fjórum milljörðum króna á síðasta ári.
Stefnt er að formlegri afhendingu eignanna 42 til Búseta fyrir árslok en um er að ræða nýlegar 2-4 herbergja íbúðir í Bryggjuhverfinu í Reykjavík.
Íbúðirnar sem Búseti hefur nú keypt af Heimstaden eru við Tangabryggju 2, 4a og 4b en viljayfirlýsingin um frekari kaup Búseta nær til íbúða sem einnig eru á höfuðborgarsvæðinu.
Þetta eru íbúðir á mjög góðum og eftirsóttum stað á höfuðborgarsvæðinu.
„Það er ánægjulegt að geta tryggt leigutökum okkar áframhaldandi húsnæðisöryggi hjá nýjum eiganda. Þetta eru íbúðir á mjög góðum og eftirsóttum stað á höfuðborgarsvæðinu. Búseti er rótgróinn aðili á húsnæðismarkaði og gildi félagsins fara vel saman við okkar. Ég trúi að leigutakar okkar verði ánægðir með þessi viðskipti,“segir Egill Lúðvíksson, framkvæmdastjóri Heimstaden í tilkynningu.
að er með ánægju sem við bjóðum leigjendur Heimstaden velkomna til Búseta.
„Markmið Búseta er að tryggja félagsmönnum sínum aðgengi að tryggu og góðu húsnæði á hagkvæmum kjörum. Það er með ánægju sem við bjóðum leigjendur Heimstaden velkomna til Búseta. Við höfum verið að auka við framboð íbúða á vegum Búseta, bæði í formi búseturétta og á vegum Leigufélags Búseta. Kaupin á íbúðum Heimstaden styrkja enn frekar framboð íbúða hjá okkur á höfuðborgarsvæðinu. Við viljum geta boðið fjölbreytt húsnæði sem hentar ólíkum æviskeiðum fólks án þess að það þurfi að binda stórar fjárhæðir í húsnæði eða taka dýr lán,“ segir Bjarni Þór Þórólfsson, framkvæmdastjóri Búseta.
