Svæðisbundnir bankar í Bandaríkjunum hafa verið að gera flókna og dýrkeypta samninga við stærstu vogunarsjóði landsins til að forðast að lenda í sömu vandræðum og t.d. Silicon Valley Bank í fyrra.
Bankakreppa svæðisbundinna banka í Bandaríkjunum, sem felldi Silicon Valley Bank og First Republic í fyrra, olli miklum óróleika meðal meðalstórra banka
Hávaxtaumhverfi síðustu ára hefur gert mörgum minni bönkum erfitt fyrir en vextir hafa verið óbreyttir lengur en vonir stóðu til.
Samkvæmt The Wall Street Journal er staðan orðin það slæm að bankarnir vilja verja sig gegn greiðslufallsáhættu og hafa stærstu vogunarsjóðirnir séð sér leik á borði.
Svæðisbundnir bankar í Bandaríkjunum hafa verið að gera flókna og dýrkeypta samninga við stærstu vogunarsjóði landsins til að forðast að lenda í sömu vandræðum og t.d. Silicon Valley Bank í fyrra.
Bankakreppa svæðisbundinna banka í Bandaríkjunum, sem felldi Silicon Valley Bank og First Republic í fyrra, olli miklum óróleika meðal meðalstórra banka
Hávaxtaumhverfi síðustu ára hefur gert mörgum minni bönkum erfitt fyrir en vextir hafa verið óbreyttir lengur en vonir stóðu til.
Samkvæmt The Wall Street Journal er staðan orðin það slæm að bankarnir vilja verja sig gegn greiðslufallsáhættu og hafa stærstu vogunarsjóðirnir séð sér leik á borði.
Bankarnir eru að vefja saman áhættusamar eignir og selja varnir gegn greiðslufalli á fyrstu 5% til 15% undirliggjandi eigna. Bankarnir ná því að losa sig við áhættusöm útlán af efnahagsreikningi sínum og lækka fjármögnunarkostnað.
Samningarnir bera heitið Synthetic Risk Transfer vestanhafs og hafa verið að aukast til muna á síðustu mánuðum.
Nú nýverið ákvað Huntington Bancshares, svæðisbundinn banki í Ohio-ríki, að gera SRT- samningi við Bayview Asset Management en samkvæmt WSJ er sjóðurinn að fá um 15% ávöxtun í viðskiptunum.
Ef undirliggjandi eignin verður gjaldfelld tekur sjóðurinn á sig tapið.
„Það má segja að þetta sér herská vörn“
Samkvæmt WSJ eru stærri svæðisbundnir bankar eins og Ally Bank í Utah og Truist Financial í Norður-Karólínu einnig byrjaðir að losa lán í ruslflokki fyrir milljarða dali gegnum SRT-samninga.
Hærri kröfur um lögbundið eigið fé og aðrar íþyngjandi reglur hafa einnig þrengt að minni bönkum vestanhafs sem eru nú byrjaðir að verja sig á mörgum vígstöðum.
„Það má segja að þetta sé herská vörn,“ segir Ken Usdin, greiningaraðili hjá Jefferies í samtali við WSJ. „Þeir eru að sækjast eftir að ná kröfum um lögbundið eigið fé, en þeir eru að borga fyrir það.“
Bankarnir eru að undirbúa sig undir nýjar reglur sem þrengja að umhverfi þeirra en reglurnar voru settar í kjölfar þess að Silicon Valley Bank fór á hausinn í fyrra.
