Breska verkfræðistofan Arup tapaði 25 milljónum Bandaríkjadala, eða sem nemur um 3,4 milljörðum íslenskra króna, eftir að tölvuþrjótar djúpfölsuðu fjármálastjórann á myndbandsfundi.
Svokölluð djúpfölsun (e. deepfake) er þegar andliti einnar manneskju er skeytt á hreyfimynd af annarri en tæknin er orðin sífellt betri og getur verið mjög erfitt að sjá muninn.
Samkvæmt Financial Times hringdi „fjármálastjórinn“ sig inn á myndbandsfund og óskaði eftir því að starfsmaður myndi ganga frá fimmtán millifærslum á fimm mismunandi bankareikninga hjá bönkum í Hong Kong.
Breska verkfræðistofan Arup tapaði 25 milljónum Bandaríkjadala, eða sem nemur um 3,4 milljörðum íslenskra króna, eftir að tölvuþrjótar djúpfölsuðu fjármálastjórann á myndbandsfundi.
Svokölluð djúpfölsun (e. deepfake) er þegar andliti einnar manneskju er skeytt á hreyfimynd af annarri en tæknin er orðin sífellt betri og getur verið mjög erfitt að sjá muninn.
Samkvæmt Financial Times hringdi „fjármálastjórinn“ sig inn á myndbandsfund og óskaði eftir því að starfsmaður myndi ganga frá fimmtán millifærslum á fimm mismunandi bankareikninga hjá bönkum í Hong Kong.
Um 18.000 starfsmenn starfa hjá Arup á heimsvísu og nema tekjur fyrirtækisins á ársgrundvelli um 2 milljörðum punda.
Atvikið gerðist á skrifstofu félagsins í Hong Kong en samkvæmt lögreglunni í Hong Kong hefur engum tekist að svíkja út jafn mikið fé með djúpfölsun áður.
Arup staðfestir við FT að félagið hafi lent í svikahrappi sem nýtti sér „falsaða rödd og myndir“ án þess þó að vilja gefa frekari upplýsingar um atvikið.
Arup segir að tölvuþrjótarnir hafi ekki komist inn í innra kerfi fyrirtækisins. Fjárhagsstaða félagsins sé enn sterk og starfsemi óbreytt.
