Don Lemon, fyrrum þáttastjórnandi á CNN, hefur stefnt Elon Musk og samfélagsmiðlafyrirtæki hans, X, eftir að hafa rofið viðræður um mögulegan spjallþátt.
Í málsókninni er því haldið fram að Musk og fyrirtækið hans hafi með ósanngjörnum hætti sagt upp samstarfi við Lemon og neitað að greiða honum eftir að hafa notað nafn hans til að auglýsa á samfélagsmiðlinum.
Fyrr á þessu ári samdi X við Don Lemon, fyrrum bandarísku þingkonuna Tulsi Gabbard og íþróttaútvarpsmanninn Jim Rome en fyrirtækið er að reyna að laða til sín fleiri auglýsendur eftir að mörg fyrirtæki flúðu vettvanginn.
„Málsóknin snýst um svik, rangfærslur af gáleysi og misnotkun á nöfnum,“ segir í Facebook-færslu frá lögmannsstofunni Shegerian & Associates.
Samkvæmt hæstarétti Kaliforníu hafði X samþykkt að greiða Lemon 1,5 milljónir dala, ásamt hluta af auglýsingatekjum sem mynduðust af efni hans. Því er einnig haldið fram að Musk og X hafi gefið fölsk loforð til að sannfæra Lemon um að samþykkja samstarfið.
