Leonind Radvinsky hefur ákveðið að greiða sér út 338 milljónir dala í arð úr félagi sínu Fenix International sem er móðurfélag vefsíðunnar Onlyfans. Arðgreiðslan samsvarar ríflega 45 milljörðum íslenskra króna.
Hagnaður Fenix International jókst í hálfan milljarð Bandaríkjadala í fyrra en samkvæmt uppgjörinu eru nú um þrjár milljónir einstaklinga sem selja efni á Onlyfans. Notendur eða eins og segir í uppgjörinu „Fans“ eru orðnir 240 milljónir.
Stofnað af feðgum árið 2016
Radvisnky á allt hlutafé Fenix en félagið er skráð í Lundúnum. Samkvæmt BBC er persónulegur auður hans metinn á 2 milljarða Bandaríkjadali.
Fenix hagnaðist um 525 milljónir bandaríkjadala í fyrra sem er hækkun úr 432 milljónum árið áður. Samsvarar það um 70 milljörðum íslenskra króna.
OnlyFans var stofnað af feðgunum Guy og Tim Stokely árið 2016 en Radvinsky keypti vefsíðuna af þeim feðgum árið 2018.
