Bjarni Kristján Þor­varðar­son, stjórnar­for­maður Eikar, fagnar því að Reginn hafi á­kveðið að aftur­kalla val­frjálst yfir­töku­til­boð í allt hluta­fé Eikar.

Yfir­töku­til­boðið hefur lögum sam­kvæmt sett starf­semi fé­lagsins miklar skorður en mikill dráttur hefur verið á öllu ferlinu m. a. vegna ítar­legrar skoðunar Sam­keppnis­eftir­litsins.

Líkt og Viðskiptablaðið greindi frá í morgun hefur stjórn Regins óskað eftir heimild FME um að falla frá yfirtökutilboði í Eik eftir að hafa fundað með stærsta hluthafa síðarnefnda félagsins, Brimgörðum.

Á grundvelli þeirra fundar var það heildstætt mat Regins að skilyrði tilboðsins um að handhafar að lágmarki 75% atkvæðaréttar Eikar samþykki tilboðið myndi ekki nást áður en gildistími tilboðsins rynni út þann 21. maí næstkomandi.