Hlutabréf í málmleitarfélaginu Amaroq hafa hækkað um tæplega 1,5% í morgun og stendur gengið í 113,5 krónum en gengið stóð í 99 krónum þegar félagið var skráð á aðalmarkað um miðjan september.
Gengi Amaroq, sem heldur á víðtækum rannsóknar- og vinnsluheimildum á Grænlandi, hefur nú hækkað um 45% á árinu en ekkert félag í Kauphöllinni hefur hækkað meira á árinu.
Verð á framvirkum samningum með gull hafa hækkað verulega síðustu daga og fór verð á únsu af gulli fór yfir 2.111 dali á mánudaginn sem er það hæsta í sögunni. Verðið á únsunni stendur í 2,032 dölum um þessar mundir.
Hlutabréf í málmleitarfélaginu Amaroq hafa hækkað um tæplega 1,5% í morgun og stendur gengið í 113,5 krónum en gengið stóð í 99 krónum þegar félagið var skráð á aðalmarkað um miðjan september.
Gengi Amaroq, sem heldur á víðtækum rannsóknar- og vinnsluheimildum á Grænlandi, hefur nú hækkað um 45% á árinu en ekkert félag í Kauphöllinni hefur hækkað meira á árinu.
Verð á framvirkum samningum með gull hafa hækkað verulega síðustu daga og fór verð á únsu af gulli fór yfir 2.111 dali á mánudaginn sem er það hæsta í sögunni. Verðið á únsunni stendur í 2,032 dölum um þessar mundir.
Tilraunaboranir Amaroq í sex borholum í Grænlandi skiluðu nýverið hæsta gullmagni í sögu félagsins en félagið fann meðal annars nýja gullæð sem er með 256 grömm af gulli í hverju tonni.
Samkvæmt því sem Viðskiptablaðið kemst næst telst þetta gríðarlega mikið magn af gulli per tonn þrátt fyrir að um sé að ræða neðanjarðarnámu þar sem gullstyrkurinn er oft hærri en kostnaðurinn við að sækja gullið meiri.
Eldur Ólafsson, stofnandi og framkvæmdastjóri Amaroq, sagði í samtali við Viðskiptablaðið í nóvember að félagið vænti þess að byrja sækja gull úr námunni á fyrsta fjórðungi næsta árs.
Hann gat ekki sagt til um hvenær félagið muni framleiða sína fyrstu únsu af gulli en það verður tilkynnt á næsta ári.
