Eldur Ólafsson, forstjóri og stofnandi Amaroq Minerals, keypti milli jóla og nýárs 59,800 hluti til viðbótar í fyrirtækinu. Hann á því nú um rúmlega 9,1 milljón hluti í Amaroq sem samsvarar 3,45% hlut í félaginu.
Samkvæmt tilkynningu til Kauphallarinnar í Toronto keypti Eldur 33.800 hluti á meðalsverðinu 1,1315 kanadískra dollara sem samsvarar 116,8 krónur á gengi dagsins en viðskiptin fóru fram 27. desember.
Eignarhlutur Elds metinn á yfir milljarð
Tveimur dögum síðar keypti Eldur 26.000 hluti á meðaltalsverðinu 1,1786 kanadískum dollara sem samsvarar 121,7 krónum á gengi dagsins í dag.
Heildarkaupverðið nam því 68.937,30 kanadískum dollurum sem samsvarar rúmlega 7,1 milljón króna á gengi dagsins.
Dagslokagengi Amaroq var 120 krónur á hlut en samkvæmt Keldunni er markaðsvirði fyrirtækisins 30,856 milljarðar króna. Eignarhlutur Elds eftir viðskiptin er metinn á 1,065 milljarða króna.
Amaroq, sem fór á Aðalmarkað í Kauphöllinni í fyrra, hækkaði mest allra skráðra félaga í Kauphöllinni en gengi málmleitarfélagsins hækkaði um 53% í fyrra.
