Norski seðlabankinn ákvað í morgun að halda stýrivöxtum sínum óbreyttum í 4,5% en tók sérstaklega fram í framsýnni leiðsögn sinni að Norðmenn ættu ekki að búast við vaxtalækkun á árinu.
Samkvæmt peningastefnunefnd bankans hefur verðbólgan vissulega lækkað en hún er enn vel yfir verðbólgumarkmiði samhliða því að allt bendir til þess að laun muni hækka hraðar en áður á næstu misserum.
Þetta kemur fram í frétt The Wall Street Journal.
Norski seðlabankinn ákvað í morgun að halda stýrivöxtum sínum óbreyttum í 4,5% en tók sérstaklega fram í framsýnni leiðsögn sinni að Norðmenn ættu ekki að búast við vaxtalækkun á árinu.
Samkvæmt peningastefnunefnd bankans hefur verðbólgan vissulega lækkað en hún er enn vel yfir verðbólgumarkmiði samhliða því að allt bendir til þess að laun muni hækka hraðar en áður á næstu misserum.
Þetta kemur fram í frétt The Wall Street Journal.
Nefndin segist hafa áhyggjur af því að ef vextir lækka samhliða launahækkunum muni það hafa verulega neikvæð áhrif á verðbólguna og því sé ólíklegt að vextir verði lækkaðir á árinu.
Evrópski Seðlabankinn lækkaði vexti um 0,25% í byrjun mánaðar á meðan Englandsbanki hélt vöxtum óbreyttum í 5,25% í morgun.
